Белската воденица

Белската воденица е последната што останала на Кочанска Река од некогашните 28, а нејзините сегашни ѕидови се изградени пред 130 години.Воденицата се наоѓа во непосредна близина на градот Кочани, во месноста Бавчалук, кај тамошниот спортско-рекреативен центар. Изгледа автентично, како да е етномузеј што сведочи за некои минати времиња. Во дворот има неколку воденички камења, фурна за печење леб и бунар. Пред да ѕирнеме внатре, Зоки нѐ поведува зад воденицата, на јазот, каде што ја фаќа водата за да врти воденичкиот камен.