Црвка на Пресвета Богородица Ново село Штип

Успение на Пресвета Богородица е главната црква во штипското Ново Село и седиште на Новоселската парохија. Црквата е отпочната со градба во 1836 година и е завршена во 1850 година. Изградена е од градителот Андреја Дамјанов со неговата тајфа – браќата и претставува голема трокорабна базилика со пространи галерии на катот. Иконите на иконостасот се од истиот период, изработени од зограф Станислав Доспевски Станилов, Вангелов Крсте зограф, Теодосие Папрадишки, Христо од Самоков, Захарија Самоковлија, а фрескоживописот на куполите се претпоставува дека е изработен во истиот период од Ѓорѓи Дамјанов. Длаборезот на иконостасот, балдахинот, царските двери и владичкиот трон се изработени во истиот период од Никола Дамјанов. Нема податоци кога и од кој архиереј е осветена. Црквата претставува Споменик на културата заштитен со закон.